34:1 以利戶閣應講：
34:2 恁有智慧的人著聽我的話；有智識的人著俯耳孔聽我。
34:3 因為耳仔試驗話，親像上 分別滋味。
34:4 咱著為家己揀彼個合宜的，也著相及知甚麼是好。
34:5 因為約伯有講：我是公義，上帝奪我的正理；
34:6 我雖然有理，猶算做講白賊者；我雖然無過失，所受的傷醫得。
34:7 是誰親像約伯，滿嘴侮慢親像飲水啊？
34:8 伊及作孽者做伴來往，及歹人相及行。
34:9 因為伊曾講：人歡喜上帝，攏是無利益。
34:10 所以，恁明理的人著聽我的話。上帝斷斷行歹；全能者斷斷行不義。
34:11 因為伊欲照人所做的來報應伊，照人所行的來互伊抵著。
34:12 上帝實在做歹；全能者也無偏私來審判。
34:13 是誰用地託仗伊啊？是誰安定全世界啊？
34:14 伊若專心顧家己，將伊的神及氣收回歸家己，
34:15 見若有肉體的欲做一下死；人猶原欲歸土。
34:16 你若明理，就著聽此個，俯耳孔聽我講話的聲。
34:17 怨恨公平者豈會掌權嗎？彼個有公義者、有權能者，你豈會定伊有罪嗎？
34:18 伊對君王講：你是無下落者；對貴族講：你是邪惡者。
34:19 伊無偏私款待有爵位的，也無欺貧重富，因為攏是伊的手所造的。
34:20 霎仔久的中間，半暝的時，就死無。百姓受搖泏過去；勇猛的受除滅呣免用手。
34:21 因為伊的目睭鑑察逐人的路，看明伊的腳步。
34:22 無有黑暗、無有死蔭通互行歹的人去匿。
34:23 因為伊無給人定著時期，互人通到伊的面前受審判。
34:24 伊拍碎強猛的人呣免查問，設立別人來替。
34:25 因為伊鑑察的所做，佇暝時捙倒，就滅無。
34:26 佇眾人看的所在伊拍，親像拍做歹的人一樣。
34:27 因為行偏斜無隨伊，也攏無致意伊的路，
34:28 致到互喪鄉人喉叫的聲透到伊面前；伊也聽見困苦的人的喉叫。
34:29 伊互人安靜，是誰會嫌伊呣著啊？伊掩面，是誰看伊會著啊？伊款待一國抑是一人攏是按呢──
34:30 免得無敬虔的人做王，免得有人籠絡百姓。
34:31 豈有人曾對上帝講：我已經受責罰，無閣犯罪啊；
34:32 我所無看見的，求你指示我；我若曾做歹，我無欲閣做伊？
34:33 豈是伊所報應，無照你的意思，你才推辭呣受嗎？今著揀的是你，呣是我。你所知的做你講！
34:34 明理的人及聽我的話的智慧人欲對我講：
34:35 約伯所講的無智識，伊的話無智慧。
34:36 願約伯受試驗到透底，因為伊的應答親像歹人。
34:37 因為伊佇伊的罪閣加添悖逆；伊佇咱中間拍手，閣用多多話反對上帝。
