3:1 後來，約伯開嘴咒詛伊的日，
3:2 約伯開嘴講：
3:3 我出世的日，願彼個日無去；講：有懷孕查甫子彼暝，願彼個暝也無去。
3:4 願彼個日變做黑暗；願上帝無對頂面看顧伊；光也無照伊。
3:5 願黑暗及死蔭侵取伊；願密雲停佇伊的頂面；願互日變黑暗的拍驚伊。
3:6 論到彼暝，願黑暗搶去，願伊無及年中許個日同歡喜，也無入佇許個月的數額。
3:7 啊！願彼暝無有生子，中間無歡喜的聲。
3:8 願許個咒詛日的咒詛伊以及許個會激動龍的咒詛伊。
3:9 願彼暝天昲光的星變黑暗，願伊向望光也得著，也無看見早起時天拆合；
3:10 因為無關密生我的子宮，也無對我的目睭遮蓋患難。
3:11 我啥事無佇胎裡就死？啥事出腹肚無續斷氣？
3:12 啥事有腳頭窩接我？啥事有奶互我吸？
3:13 若無按呢，我已經倒來安然已經睏來靜靜，
3:14 及地上列王、謀士相及佇，曾為家己起造拋荒的所在，
3:15 抑是及有金的首領佇，曾用銀充滿的厝的；
3:16 抑是親像磕落娠來掩密的，我就無去，親像未見著光的嬰仔。
3:17 佇遐歹人息伊的攪擾，佇遐厭倦者得著安息，
3:18 佇遐受掠者人相及得著安然，無聽見督工者的聲。
3:19 序細序大攏佇遐；奴僕脫離伊的主人。
3:20 受苦難的人啥事互伊有光啊？心內憂苦的人啥事互伊有活命？
3:21 向望死，也得著；尋伊，比掘囥密的寶貝卡出力。
3:22 尋著墳墓就快樂，歡喜到顧得。
3:23 人的前途已經暗摸摸，上帝四面圍困伊，啥事互伊有光啊？
3:24 因為我用吐氣替食物；我大聲哮親像大水淐出。
3:25 因為我所真驚的臨到我，我所驚惶的到佇我。
3:26 我得著安然，得著平靜，得著安息，總是有患難來。