26:1 約伯應講：
26:2 無氣力者你有幫助伊到怎樣！手骨軟者你有拯救伊到怎樣！
26:3 你有怎樣教示無知的人！閣大發明真實的智識！
26:4 你對是誰講話？是誰的神對你出？
26:5 陰魂愕愕惙佇水下以及佇遐徛起者。
26:6 佇伊的面前，陰間露現；亞巴頓也無蓋密。
26:7 伊展開北方佇空中的頂面，吊地佇無有物的頂面；
26:8 用水包佇伊的密雲內，雲佇水的下面也破裂；
26:9 伊遮截伊的座位，閣舖伊的雲佇彼頂面；
26:10 伊佇水面畫出界限，到光及暗交界的所在。
26:11 天的柱振動因為伊的責備來卬愕。
26:12 伊用能力激動大海；伊用智識拍破拉哈伯，
26:13 用伊的氣互天有清彩；伊的手鑿透走的蛇。
26:14 看啊，諸個不過是伊所做的小可的；咱所對伊聽見的聲細到怎樣！伊大權能的雷是誰會測 啊？