21:1 約伯應講：
21:2 恁著致意聽我的話，用此個做恁的安慰。
21:3 請寬容我，我欲閣講；我講了，據在你譏刺！
21:4 論到我，我豈是對人哀怨？我的心神怎樣無著急啊？
21:5 恁著看我來卬愕，用手掩嘴。
21:6 我若想著，就驚，通身軀愕愕惙。
21:7 歹人啥事活，食長歲壽，勢力強盛啊？
21:8 看見子孫及平平成立，的後裔佇的目睭前也是按呢。
21:9 的家眷安然無驚；上帝的枴也無拍。
21:10 的牛生湠無斷；的牛母生子也無墜胎。
21:11 差囝仔出去，親像羊群；的子兒四界趒跳。
21:12 隨鈴瓏鼓及琴來唱歌，閣因為 簫的聲來歡喜。
21:13 度過日事事亨通，目 久落陰間。
21:14 對上帝講：著離開阮！阮呣愛識你的路。
21:15 全能者是是誰，互阮著服事伊啊？阮祈求伊有甚麼利益啊？
21:16 看啊，的福氣呣是佇的手；願歹人的計謀離開我遠遠。
21:17 歹人的燈欲熄？災禍到佇？上帝的受氣互抵著艱苦，有偌多擺啊？
21:18 親像風前的草仔幼，親像狂風吹去的粗糠有偌多擺啊？
21:19 恁講：上帝將伊的罪惡給伊的子積聚；我講：呣值著報應伊本身，互伊家己知。
21:20 互伊親目看見家己敗壞，本身飲全能者的受氣。
21:21 伊的年月半中長絕斷，過世了，伊佇伊的家有甚麼快樂啊？
21:22 上帝審判許個佇高位的，是誰會將智識教示伊啊？
21:23 有人到死氣力齊備，滿滿得著平靜安然；
21:24 伊的胸脅真肥，伊的骨髓潤澤。
21:25 有人到死心痛苦，攏未曾試著福氣；
21:26 攏一樣倒佇土裡，互蟲蓋密。
21:27 看啊，我知恁的意思，及恁冤枉我的計謀。
21:28 因為恁講：霸王的厝佇叨落？歹人平時徛起的厝佇叨落？
21:29 恁無問過路的人嗎？豈認得的證據嗎？
21:30 就是歹人佇災禍的日得著留，佇受氣的日得著脫離。
21:31 伊所行的，是誰當面講伊？伊所做的，是誰報應伊？
21:32 總是伊會互人扛到塚山；閣有顧守者佇伊的墓。
21:33 山谷的土丸伊掠做甜；欲有眾人隨佇伊的後面，親像佇伊代先者算得。
21:34 恁所應答的話窮真攏是假，恁怎樣空空安慰我啊？