16:1 約伯應講：
16:2 此號的話，我有聽見多多啦；恁的安慰，攏是互人倒艱苦。
16:3 此號荒唐的話有窮盡嗎？有甚麼激動你來應嗎？
16:4 我也會講親像恁此號的話；恁若踮佇我的境遇，我也會鬥歸涫的話來攻擊恁，閣會對恁搖我的頭。
16:5 總是我會用嘴互恁堅固，用嘴唇的安慰互恁減輕。
16:6 我若講話，我的憂悶猶原無減輕；我若靜靜，就憂悶會離開我嗎？
16:7 總是今伊互我困苦，你互我的同伴離開我。
16:8 你有掠著我，是通做干證；我的消瘦起來攻擊我，當我的面前做干證。
16:9 伊受氣拆裂我，窘迫我，伊對我咬齒；我的對敵目睭金金眥我。
16:10 對我開的嘴，搧我的嘴來凌辱我，聚集來攻擊我。
16:11 上帝將我交互不義的人，將我佇歹人的手。
16:12 我安然的時，伊給我遏折，勒我的頷頸，給我摔碎碎，閣祀我做伊的箭把。
16:13 伊的箭四面圍我；破裂我的臟腑，也無寬恕，將我的膽傾佇地裡。
16:14 伊拍我，拍了閣拍，親像勇士走來攻擊我。
16:15 我紩麻布佇我的皮膚，將我的角 落土。
16:16 我的面因為流目屎就變紅，佇我的目睭皮有死的蔭影。
16:17 總是我的手無暴虐；我的祈禱也是清氣。
16:18 地啊，莫得遮蓋我的血！願我的喉叫無停歇的所在！
16:19 看啊，今我的干證佇天裡，我的保認的佇頂面。
16:20 我的朋友譏刺我，總是我的目睭向上帝流目屎。
16:21 願伊向上帝來替人辯明，也替人的子佇伊的厝邊辯明；
16:22 因為閣過幾若年，我欲行彼條去無閣倒轉的路。