15:1 提幔人以利法應講：
15:2 智慧的人豈欲用空虛的智識來應，抑是用東風充滿伊的腹肚嗎？
15:3 伊豈欲用無利益的話及無路用的話來辯論嗎？
15:4 你實在廢無敬畏，佇上帝的面前阻擋敬虔的心。
15:5 因為你的罪過教示你的嘴；你揀詭詐的人的舌。
15:6 定你的罪的是你的嘴，呣是我；你的嘴唇干證你的呣著。
15:7 你是頭一個出世的人嗎？抑是比諸個山卡代先受造嗎？
15:8 上帝秘密的旨意你曾聽見嗎？智慧豈是你獨得嗎？
15:9 有甚麼你知，阮呣知嗎？抑是你明白，阮無明白啊？
15:10 阮中間有頭毛白的及年老的，比你的老父猶卡老。
15:11 上帝的安慰以及伊溫和勸你的話，你看做小可嗎？
15:12 你的心啥事掠你去？你的目睭啥事眥，
15:13 才互你的神反對上帝，也互你的嘴講許個話？
15:14 世間人是甚麼，會算做清氣啊？婦仁人所生的是甚麼，會算做公義嗎？
15:15 看啊，上帝無信任伊的聖者；諸個天佇伊面前，也無清氣，
15:16 何況可惡腐敗的人、飲罪惡親像飲水的啊！
15:17 我欲指示你，你著聽我；我欲講起所看見的，
15:18 就是智慧的人對列祖所傳來，也無隱密的。（
15:19 此個地獨獨賞賜，也無外人對中間經過。）
15:20 歹人一生的日子是痛苦；就是為強暴的人所定著的年額。
15:21 通驚的聲常常佇伊耳孔；佇平安的時，毀滅者欲到伊遐。
15:22 伊呣信會對黑暗轉來；伊互刀劍聽候伊。
15:23 伊四界流討食，講：叨落有啊？伊知有黑暗的日便便聽候伊。
15:24 患難困苦互伊驚惶，閣贏伊，親像君王備辦出陣一樣。
15:25 因為伊伸手攻擊上帝，用驕傲抗拒全能者，
15:26 伊用硬的頷頸，厚的盾牌走來抵敵全能者；
15:27 因為伊的面真肥，伊的腰肥到有膋。
15:28 伊徛起佇荒廢的城，無人徛起的厝，就是得欲變做土堆的。
15:29 伊得著好額，財物長長佇，的土產也生湠佇地裡。
15:30 伊脫離黑暗。火焰欲燒乾伊的枝；伊欲對上帝嘴內的氣，來無去。
15:31 伊呣通倚靠虛假來家己騙，因為虛假欲成做伊的報應。
15:32 伊的日期未到的代先，此個代誌欲成；伊的枝青翠。
15:33 伊欲親像葡萄樹，伊的粒未熟就落，閣親像橄欖樹，落伊的花。
15:34 無虔誠的類的確無生湠；賄賂者的布棚欲互火燒去。
15:35 懷孕殘害，生出罪孽；腹內所備辦的詭詐。