12:1 約伯應伊講：
12:2 恁真正是百姓啊，恁死，智慧也及恁死。
12:3 我也有心思，親像恁一樣，我無卡輸恁。諸個代誌，甚麼人呣知？
12:4 我是求叫上帝、得著伊聽的人，猶久互同伴譏刺；公義完全的人也互人譏刺。
12:5 安然的人心內看輕患難；這患難便便聽候腳著觸的人。
12:6 強盜的布棚亨通，惹著上帝的人得著安然，就是上帝大賞賜佇的手的。
12:7 今你去問走獸，欲教示你；也去問空中的鳥，欲給你講；
12:8 抑是及地講，伊欲教示你；海中的魚也欲給你講明。
12:9 佇諸個一切，是誰呣知是耶和華的手做按呢？
12:10 一切動物的生命及人類的喘氣攏佇伊的手。
12:11 耳孔豈試驗言語，親像上 試滋味嗎？
12:12 年老的有智慧；歲壽多的有見識。
12:13 智慧及能力在佇上帝；伊有計劃及見識，
12:14 看啊，伊拆毀的，會閣起造；伊關禁的人，無通閣解放。
12:15 看啊，伊禁止許個水，水就乾去；伊閣互水流出，地就變遷。
12:16 權能及效力在佇伊，受迷惑及迷惑人的攏屬佇伊。
12:17 伊互謀士抵著搶掠，閣互審判司變成戇人。
12:18 伊解放君王的捆縛，閣用帶縛的腰。
12:19 伊互祭司抵著搶掠，閣捙倒有權能的人。
12:20 伊改斜忠信的人的話，閣除去老人的見識。
12:21 伊互貴族受凌辱，閣解開有力的人的腰帶。
12:22 伊對黑暗中顯出深奧的事，閣帶出死蔭到光明的所在。
12:23 伊互邦國興旺也閣毀滅伊；伊互邦國開闊也閣遷徙。
12:24 地上百姓的頭人，伊除去的心思，互漂流佇無路的曠野；
12:25 無光，佇黑暗中四界摸，閣互顛來顛去，親像酒醉的人一樣。