11:1 拿瑪人瑣法應講：
11:2 話許多豈呣著應嗎？厚話的人豈通稱做義嗎？
11:3 你誇口人豈著靜靜嗎？你恥笑的時無人互你見誚嗎？
11:4 你講：我的道理純全；我佇你的目睭前清氣。
11:5 總是願上帝講話；閣開伊的嘴辯駁你，
11:6 指示你智慧的奧妙；這智慧有逐般的功效。你著知上帝無攏總記得你的罪過。
11:7 你豈會測 上帝的奧妙嗎？你豈會測 全能者到徹底嗎？
11:8 伊高親像天，你猶會做甚麼？比陰間卡深，你猶會知甚麼？
11:9 伊的量是比地卡長，比海卡闊。
11:10 伊若經過，來關禁人，召人審判，是誰會阻擋伊啊？
11:11 因為伊知虛假的人；雖然無注意，也攏看見罪過。
11:12 空虛的人攏無心思；人出世親像野驢的驢子。
11:13 你若端正你的心，閣向伊抬起手；
11:14 你的手內若有罪過，就著除去遠遠，也呣通容允不義踮佇你的布棚內。
11:15 彼時，你的確抬起你無瑕疵的面；你也欲徛在，攏無驚惶。
11:16 因為你欲記得你的艱苦，就若記得也親像水流過去一樣。
11:17 你的生活卡贏日中晝，雖然暗猶原親像早起時。
11:18 你欲安穩因為有所向望；你欲四界巡看，就通安心睏。
11:19 你欲倒，也無有拍驚你的，閣有多多人對你求恩。
11:20 總是歹人的目睭欲花。無路通逃走；所向望親像氣斷。