63:1 此個對以東來，對波斯拉到，穿紅衫，衣裳行伍，有大氣力大步行的是是誰啊？就是我，是照公義講話，有大氣力會行拯救者。
63:2 你的衣裳怎樣有紅色？你的衣服怎樣親像踏酒窟者啊？
63:3 我家己一個踏酒窟；眾百姓的中間無一人及我佇。我受氣踏，大受氣 踏。的血濺佇我的衫，閣染垃墋我一切的衣裳。
63:4 因為報讎的日佇我的心內；我救贖我的百姓的年已經到。
63:5 我看，也無幫助者；我卬愕，因為無有扶持者。所以，我家己的手給我行拯救；我的大受氣給我扶持。
63:6 我受氣，踏列邦；大受氣，互醉醉，互的血流佇地裡。
63:7 我欲照耶和華一切所賞賜咱的，講起耶和華的慈愛及耶和華的名聲，及伊向以色列家所施的大恩；就是照伊的憐憫及豐盛的慈愛賞賜的。
63:8 因為伊講：真正是我的百姓，無行虛假的子兒；按呢，伊就做的救主。
63:9 佇一切的苦難中，伊也同受苦難；閣伊面前的使者拯救；伊用慈愛及憐憫救贖；佇古早的日常常抱，懷。
63:10 總是悖逆，互伊的聖神憂悶。伊就反轉做的對敵，本身來攻擊。
63:11 百姓就記得古早摩西的日，講：導及伊全群的牧者對海裡出來的，佇叨落啊？將伊聖的神下佇中間者佇叨落啊？
63:12 互伊榮光的手佇摩西的正手行動，佇的面前將水分開，欲為著家己立永遠的名，
63:13 導經過海中，親像馬行佇曠野，互無著觸者，佇叨落啊？
63:14 耶和華的神互得著安息，親像精牲落到山腳；按呢，你亦導你的百姓，為著家己建立榮光的名。
63:15 求你對天俯落看，對你聖潔榮光的所在看。你的熱心及你大權能的所做佇叨落啊？你疼痛的心腸及憐憫對我停止。
63:16 亞伯拉罕雖然呣識阮，以色列呣認阮，總是你是阮的父。耶和華啊，你是阮的父；對萬古以來，你的名稱做「救贖阮的主」。
63:17 耶和華啊，你啥事互阮行錯離開你的路，互阮的心硬，無敬畏你啊？求你為著你的奴僕，為你的產業支派的緣故，倒轉來。
63:18 你聖的百姓不過暫時得著此個產業；阮的對敵已經 踏你的聖所。
63:19 阮親像對古早未曾互你治理的人，親像未曾用你的名來稱呼者。
