57:1 義人死無，無人掛佇心頭；虔誠的人過世，無人想到此個義人過世是脫離將來的災禍；
57:2 行佇正直的人，伊欲進入平安的所在，安然歇佇伊的床。
57:3 恁諸個尪姨的子，姦夫及妓女的種類，攏著進前來！
57:4 恁對是誰戲弄？對是誰開嘴吐舌啊？恁豈呣是悖逆的子兒，白賊的種類嗎？
57:5 恁佇橡樹的中間，佇逐欉青翠的樹腳慾火攻心，佇山谷裡，佇石孔內囝仔；
57:6 佇山谷內光滑的石頭中有你的份額。諸個就是你所得著的業；你亦對伊灌奠，獻禮物，因為諸個我豈會安心嗎？
57:7 你佇高高的山頂安設眠床，亦上去獻祭。
57:8 你佇門後，門豎後，徛你的記念；對別人露現身體來上去開闊你的眠床，及立約；你佇遐看見的眠床就真意愛。
57:9 你將油帶到王遐，閣加添你的香料，差使者去遠遠的所在，家己卑賤直到陰間，
57:10 你因為路遠厭倦，總是無講這是空空；你有閣得著氣力，所以呣知軟弱。
57:11 你因為是誰來懾驚惶？致到講白賊，無記念我，亦無掛佇你的心頭。我豈呣是對古早靜靜，你才無驚我嗎？
57:12 我欲指明你的公義；論到你的所行攏無利益你。
57:13 你喉叫的時，通互你所聚集的救你！風欲給吹散，氣欲給歕去。總是彼個倚靠我者欲得著土地，欲承受我的聖山做業。
57:14 有聲講：填高填高，備辦路，對我的百姓的路中除去塞礙。
57:15 因為彼個至高至尊，永遠佇，名叫做聖者按呢講：我徛起佇至高至聖的所在，亦及心神痛悔謙卑的人相及徛起；欲互謙卑的人的心神復活，亦互痛悔的人的心復活。
57:16 我的確無永遠爭辯，亦無久長受氣，驚了我所創造的人，的心及靈魂佇我的面前衰膦。
57:17 因為伊貪心的罪過，我就受氣拍伊；我掩面受氣，伊猶原悖逆照伊的心意去行。
57:18 我看伊所行的路，亦欲醫好伊；閣欲導伊，互伊及許個相及傷心的人閣得著安慰。
57:19 我造欲互的嘴講出謳咾的話；平安、平安歸互遠及近的人，閣我欲醫好伊。這是耶和華講的。
57:20 獨獨歹人親像夯湧的海，會平靜；伊的水淐出污穢及土糜。
57:21 我的上帝講：歹人的確平安！