56:1 耶和華按呢講：恁著守公平，行公義；因為我的救恩已經近，我的公義欲顯明。
56:2 人按呢行、世間人按呢持守伊，守安息日無干犯著；禁止家己的手無做歹；彼號人有福氣。
56:3 及耶和華聯合的外邦人莫得講：耶和華的確將我及伊的百姓分離。太監亦莫得講：看啊，我是枯焦的樹。
56:4 因為論到見若守我諸個安息日，揀我所歡喜的事，及持守我的約的太監，耶和華按呢講：
56:5 諸個人我欲互佇我的厝，佇我的牆圍內，有記號有名字，比有子查某子卡好。我欲互伊永遠的名，會剪除。
56:6 猶有許個及耶和華聯合的外邦人，欲服事伊，欲疼耶和華的名，欲做伊的奴僕──見若守安息日無干犯，閣持守我的約的人。
56:7 我欲導到我的聖山，互佇祈禱我的厝來歡喜。的燒祭及禮物，佇我的壇頂的確得著接納，因為我的厝欲稱做萬百姓祈禱的厝。
56:8 主耶和華，就是招集以色列受趕散者，講：許個受招集的人以外，我猶欲招集別人來歸倚伊。
56:9 山野諸個獸攏著來吞食！樹林內諸個獸亦著按呢。
56:10 伊的守望者是睛暝，攏無智識，攏是啞口，吠的狗；獨獨眠夢，倒，愛睏。
56:11 諸個狗貪食，呣知飽。諸個牧者會明白──逐人行家己的偏路，逐個對各方面求家己的利益。
56:12 講：來啦！我去捧酒，咱飲厚酒到飽；明仔日欲親像今仔日，極大無比。