35:1 曠野及乾燥的地的確歡喜；沙漠亦欲快樂；閣親像玫瑰開花，
35:2 伊欲開花茂盛，來歡喜，欲有歡喜及唱歌。黎巴嫩的榮光，迦密及沙崙的娞，欲歸伊。欲看見耶和華的榮光，咱的上帝的美妙。
35:3 恁著互軟弱的手勇壯，無力的腳頭窩自在。
35:4 對小膽的人講：恁著剛強，呣免驚。看啊，恁的上帝欲來報讎，欲來行極大的報應；伊欲來拯救恁。
35:5 彼時，睛暝人的目睭欲開；臭耳聾的耳孔欲利。
35:6 彼時，跛腳者欲趒跳親像鹿；啞口的舌欲唱歌。因為水淐出佇曠野；溪流淐出佇沙漠。
35:7 發出光的沙欲變做水池；乾燥的地欲變做水泉。佇山狗倒睏的所在，欲有青草、蘆葦，及蒲草。
35:8 佇遐欲有一條高的路，此條路欲稱做聖的路。污穢的人得通經過，專專欲做的路用；行路的人雖然愚戇，亦行錯。
35:9 佇遐的確無獅，猛獸亦無上此條路；佇遐攏無抵著，獨獨得著贖回的百姓佇遐行。
35:10 閣耶和華救贖的百姓欲倒轉來，欲唱歌來到錫安；得著永遠的歡喜做冕旒；欲歡喜快樂，憂悶吐氣攏欲走去。