27:1 到彼日，耶和華欲用伊剛硬有力的大支刀刑罰鱷魚──就是彼號走的蛇，刑罰鱷魚──就是彼號彎彎越越的蛇，亦欲死海中的龍。
27:2 當彼日，有出好酒的葡萄園，恁著指此個園唱歌講：
27:3 我──耶和華是顧守葡萄園者；我時刻灌沃伊，暝日顧守伊，免得人損害伊。
27:4 我無存受氣。願有莿帕蒺藜及我交戰，我就好膽進前去尋伊，給伊做一下燒去。
27:5 若無按呢，互伊擒著我的能力，來及我和好，願伊及我和好。
27:6 將來雅各欲釘伊的根，以色列欲發芽開花；的果子欲充滿世界。
27:7 主拍伊，豈親像拍許個曾拍伊的人嗎？伊受，豈親像許個伊者的受嗎？
27:8 你差去，是照所合宜及相爭；起東風的日，就用大風給趕去。
27:9 所以，雅各的罪惡欲按呢得著洗除，伊的罪過得著除去的效果，在佇此個；彼時伊互祭壇的石頭變做拍碎的灰石，致到柴柱及日像無閣 。
27:10 因為堅固的城變做淒凊，陋家散宅，親像曠野；牛仔欲食草佇遐，倒佇遐，亦欲食完伊的樹枝。
27:11 伊的枝枯焦，受遏折；婦仁人欲來給伊燒燎去。因為諸個百姓戇戇，所以，造化者無欲憐憫；造成者無欲施恩互。
27:12 到彼日，耶和華欲叩伊的果子，對大河到埃及的溪，恁以色列人一個一個互伊收拾。
27:13 當彼日，欲歕大的號頭，見若漂流佇亞述地，及受趕佇埃及地的，攏欲來，佇聖山佇耶路撒冷敬拜耶和華。