4:1 所以有入伊的安息的應允留互咱，就著驚惶，驚見恁中間豈採有人親像得無著。
4:2 因為福音有傳互咱，親像傳互；總是所聽的話無利益，因為聽的人無用信及道理相合。
4:3 因為咱已經信的是入此個安息，照伊所講：「我就佇受氣中咒誓講：『斷斷得通入我的安息！』」其實諸個工，對創世間以來已經成啦！
4:4 因為論到第七日，佇某所在有按呢講：「上帝佇第七日，明白伊攏總的工來安息。」
4:5 亦佇此所在閣講：「斷斷得通入我的安息！」
4:6 所以此個安息，猶聽候有人入，若是許個代先得著福音的，因為呣信趁，才無入。
4:7 歷過多多年，佇大衛的冊內，伊閣定一日，講今仔日親像頂面所講：「今仔日恁若聽見伊的聲，就呣通剛硬恁的心。」
4:8 因為約書亞若曾用安息賞賜百姓，就後來的確無講起別日。
4:9 對按呢看，猶有安息給上帝的百姓留。
4:10 因為入伊的安息的，是明白伊攏總的工來安息，親像上帝明白伊的工來安息。
4:11 所以咱著盡力來入此個安息，免得有人跋倒佇像彼樣的呣信。
4:12 因為上帝的道是活的，是有功效的，比一切雙面的劍卡利，凡若魂及神，骨節及骨髓，無呣刺入、破開，心內諸個念頭及主意亦無呣鑑察。
4:13 閣所創造的佇伊的面前無一項蓋密；就是萬物掀開露出，佇審判咱者的目前。
4:14 所以咱已經有大的祭司頭，上帝的子耶穌，經過許個天，就著執守所承認的。
4:15 因為咱所有的祭司頭呣是會體貼咱攏總的軟弱。就是凡事平平有受試，若是無罪。
4:16 所以，咱著好膽就近恩典的座位，通受憐憫，也得著恩典，做及時的幫助。