14:1 佇以哥念相及入猶太人的會堂，來講論，致到猶太人及希利尼人多多來信。
14:2 若是許個呣順趁的猶太人搖動外邦人的心，互怨恨諸個兄弟。
14:3 就遐多多日，倚靠主好膽來講，主賞賜神蹟奇事對的手來成，干證伊恩典的道理。
14:4 城內的眾人就分旁，有的隨猶太人，有的隨使徒。
14:5 彼時，外邦人、猶太人，及的序大，愛挨夾凌辱，用石頭擲。
14:6 知，就逃走去呂高尼的路司得、特庇諸個城，及周圍的地方，
14:7 佇遐傳福音。
14:8 佇路司得有一人坐，雙腳無力，是對出世就軟腳，攏未曾行。
14:9 伊聽保羅講道理，保羅注目看伊，看見伊有信通得著好，
14:10 就大聲講：「起來，雙腳徛正挺身！」彼人就跳起來行。
14:11 眾人看見保羅所做，就用呂高尼的腔口大聲講：「諸個神明借人的形臨到咱啦。」
14:12 就稱巴拿巴做宙斯，因為保羅出頭講話，稱伊做希耳米。
14:13 城外宙斯的祭司牽牛仔，提花環到門前，欲及眾人獻祭。
14:14 若是使徒巴拿巴、保羅聽見，就拆裂衫，跳出來眾人的中間，叫講：
14:15 「恁大家，啥事行按呢？阮諸個亦是人，及恁同情。傳福音，互恁離開諸個無影跡的，來歸佇真活的上帝，就是創造天、地、海及其中萬物者。
14:16 伊佇代先的世代，容允萬邦行的路；
14:17 若是伊未曾無為著本身顯出證據，就是行好事，給恁對天落雨，照時出果子，用日食及歡喜充滿恁的心。」
14:18 講按呢，僅僅仔禁止眾人無祭獻。
14:19 總是有猶太人對安提阿、以哥念來，教唆眾人，就用石頭擲保羅，拍算伊已經死，就拖伊出城外。
14:20 若是學生圍伊，伊就起來，入城。隔日，及巴拿巴離開遐去特庇，
14:21 已經傳福音佇彼個城，互多多人來做學生，就倒轉去路司得、以哥念、安提阿，
14:22 堅固學生的心，勸長長佇信；閣講：「咱著對多多艱苦，來入上帝的國。」
14:23 佇逐個教會給設立所揀的長老，禁食祈禱，就將交託佇所信的主。
14:24 就經過彼西底，到旁非利亞。
14:25 已經講道理佇別加，就落去亞大利，
14:26 對遐搭船，到安提阿。就是曾佇遐受交託、佇上帝的恩典、來行所圓滿的工。
14:27 已經到，聚集教會，講起上帝所及行一切的事，亦講上帝按怎樣給外邦人開信的門。
14:28 就及學生相及住嶄然久。