15:1 以色列王耶羅波安二十七年，猶大王亞瑪謝的子亞撒利雅坐位，
15:2 伊坐位的時十六歲，佇耶路撒冷做王共五十二年。伊的老母名叫耶可利雅，是耶路撒冷人。
15:3 伊行耶和華所看做好的事，照伊的老父亞瑪謝一切的所行；
15:4 總是山頭壇猶無廢去，百姓猶原獻祭燒香佇山頭壇。
15:5 耶和華就拍王，互伊癩，到伊死的日，伊就另外厝徛起。伊的子約坦管理家事，治理國民。
15:6 亞撒利雅其餘的事，見伊所行的豈無攏記佇猶大列王的記錄嗎？
15:7 亞撒利雅及伊的祖同睏，及伊的祖葬佇大衛的城。伊的子約坦續接伊做王。
15:8 猶大王亞撒利雅三十八年，耶羅波安的子撒迦利雅佇撒瑪利亞做以色列王六月日。
15:9 伊行耶和華看做歹的事，照伊的列祖所行的，無離開尼八的子耶羅波安的罪，就是互以色列犯罪的。
15:10 雅比的子沙龍背叛伊，佇百姓的面前拍伊，伊，篡伊的位。
15:11 撒迦利雅其餘的事攏記佇以色列諸個王的記錄。
15:12 這是前耶和華給耶戶講的話講：「你的子孫欲坐以色列的國位到四代。」此個話按呢應驗。
15:13 猶大王烏西雅三十九年，雅比的子沙龍坐位佇撒瑪利亞做王一月日。
15:14 迦底的子米拿現對得撒上去撒瑪利亞，拍雅比的子沙龍佇撒瑪利亞死伊，篡伊的位。
15:15 沙龍其餘的事及伊背叛的情形攏記佇以色列諸個王的記錄。
15:16 彼時米拿現拍提斐薩及見若佇中間的及伊的四境對得撒起，因為無給伊開城門，所以拍伊，也破開中間一切有娠孕的婦仁人。
15:17 猶大王亞撒利雅三十九年，迦底的子米拿現坐位，佇撒瑪利亞做以色列王共十年。
15:18 伊行耶和華所看做歹的事，一世人無離開尼八的子耶羅波安的罪，就是互以色列犯罪的。
15:19 亞述王普勒來攻擊此個土地。米拿現用銀一千他連得互普勒，愛伊幫助來堅固伊的國權。
15:20 米拿現對以色列一切的大好額人強派諸個銀，教逐人出銀五十舍客勒，送互亞述王。對按呢亞述王倒去，無踮彼所在。
15:21 米拿現其餘的事，見伊所行的豈無攏記佇以色列諸個王的記錄嗎？
15:22 米拿現及伊的列祖同睏。伊的子比加轄續接伊做王。
15:23 猶大王亞撒利雅五十年，米拿現的子比加轄佇撒瑪利亞做以色列王共二年。
15:24 伊行耶和華所看做歹的事，無離開尼八的子耶羅波安的罪，就是互以色列犯罪的。
15:25 伊的軍長、利瑪利的子比加背叛伊，佇撒瑪利亞王宮的衛所拍伊。亞珥歌伯及亞利耶及基列的人五十個及伊同謀；死伊，篡伊的位。
15:26 比加轄其餘的事，見伊所行的攏記佇以色列諸個王的記錄。
15:27 猶大王亞撒利雅五十二年，利瑪利的子比加佇撒瑪利亞坐位做以色列王共二十年。
15:28 伊行耶和華所看做歹的事，無離開尼八的子耶羅波安的罪，就是互以色列犯罪的。
15:29 以色列王比加的時，亞述王提革拉毗列色來取以雲、亞伯伯瑪迦、亞羅、基低斯、夏瑣、基列、加利利，及拿弗他利全地，攏掠到亞述。
15:30 烏西雅的子約坦二十年，以拉的子何細亞背叛利瑪利的子比加，拍來死伊，篡伊的位。
15:31 比加其餘的事，見伊所行的攏記佇以色列諸個王的記錄。
15:32 以色列王利瑪利的子比加第二年，猶大王烏西雅的子約坦坐位。
15:33 伊坐位的時二十五歲，佇耶路撒冷做王十六年。伊的老母名叫耶路沙，是撒督的查某子。
15:34 伊行耶和華所看做好的事，照伊的老父烏西雅一切所行的去行。
15:35 總是山頭壇猶無廢無，百姓猶原獻祭燒香佇山頭壇。約坦起耶和華殿頂面的門。
15:36 約坦其餘的事，見伊所行的豈無攏記佇猶大列王的記錄嗎？
15:37 彼時耶和華起頭差亞蘭王利汛及利瑪利的子比加去攻擊猶大。
15:38 約坦及伊的列祖同睏，及伊的列祖葬佇伊的祖大衛的城。伊的子亞哈斯續接伊做王。