3:1 所羅門動工起耶和華的殿佇耶路撒冷、摩利亞的山，就是耶和華對伊的老父大衛出現的所在，大衛曾定著彼個地佇耶布斯人阿珥楠的五穀場。
3:2 所羅門坐位第四年二月初二動工來起。
3:3 所羅門所下的地基欲起上帝的殿的，記佇下底：長六十肘，闊二十肘，攏是照古早的寸尺。
3:4 頭前的廊長二十肘，及殿的闊平平，高一百二十肘；內面安好金。
3:5 大間殿的壁用松樹的柴蓋伊，用好金安伊，頂面刻棗樹及鍊仔；
3:6 用寶石鑲彼間殿，互伊真娞；所用的金攏是巴瓦音的金。
3:7 閣用金安殿及棟樑，戶椗、牆壁、門扇；壁頂刻兵。
3:8 閣起至聖所，長二十肘，及殿的闊平平，伊的闊也是二十肘；用好金安，計共六百他連得。
3:9 釘的金釘重五十舍客勒。樓閣攏安金。
3:10 至聖所的內面照做像的法創二個兵，用金安伊。
3:11 許個兵的翅共長二十肘。此個兵一支翅長五肘，伸到殿此旁的壁；彼支翅也是五肘，伸到彼個兵的翅。
3:12 彼個兵一支翅也是五肘，伸到殿彼旁的壁；彼支翅也是五肘，及此個兵的翅相接。
3:13 許個兵展開翅，共二十肘，的腳徛，面向內面。
3:14 閣用藍色、紫色、朱紅色的料及幼苧布做帳； 兵佇的頂面。
3:15 佇殿前創二支柱，高三十五肘；每支柱的柱枓高五肘。
3:16 閣做鍊仔，安佇柱枓；閣做石榴一百粒，安佇鍊仔頂。
3:17 許個柱祀佇殿前，一支佇正旁，一支佇倒旁；正旁的號名叫雅斤，倒旁的號名叫波阿斯。
