1:1 論到活命的道，對起頭所有，阮所聽見、親目所看見，所觀看，也阮的手摸著的。（
1:2 此個活命曾出現，阮有看見，來做干證，也報恁知彼個永活的活命，就是本及父佇，也出現佇阮的。）
1:3 阮將所看見、所聽見報恁知，欲互恁及阮交陪。閣阮所交陪就是及父以及伊的子耶穌基督。
1:4 阮寫諸個，是欲互阮的歡喜充滿。
1:5 阮對伊所聽的話、來傳互恁的，就是講，上帝是光，佇伊全然無暗。
1:6 咱若講有及伊交陪，也行佇黑暗，就是講白賊，無行真實。
1:7 獨獨咱若行佇光明，親像伊佇光明，就咱相及交陪，也伊的子耶穌的血洗除咱攏總的罪。
1:8 咱若講無罪，就是騙家己，真理也無佇咱。
1:9 咱若認咱的罪，伊是真實公義，欲赦免咱的罪，洗除咱攏總的不義。
1:10 咱若講未曾犯罪，便是互伊做講白賊的，伊的道理無佇咱。