20:1 年頭，列王出來交戰的時，約押導軍兵毀壞亞捫人的地，圍困拉巴；大衛猶原踮佇耶路撒冷。約押拍拉巴的城，捙倒伊。
20:2 大衛搶的王所戴金的冕旒，秤伊的金重一他連得，閣鑲寶石；人將此個冕旒戴佇大衛的頭殼。大衛對城內搶伊的財物多多，
20:3 將城內的人拖出來，用鋸仔、用鐵耙、用斧頭死，大衛用按呢款待亞捫逐個城。大衛就及眾百姓攏倒去耶路撒冷。
20:4 了後，及非利士人交戰佇基色。戶沙人西比該死大漢人一個子名叫細派，非利士人就降服。
20:5 閣及非利士人交戰。彼時睚珥的子伊勒哈難死迦特人歌利亞的兄弟拉哈米；此人的槍柄大親像布機的軸心。
20:6 閣佇迦特交戰。佇遐有一個大漢人，手腳攏有六支指頭仔，共有二十四支，伊也是大漢人的子。
20:7 此人侮慢以色列人的時，大衛的兄示米亞的子約拿單死伊。
20:8 諸個人攏是佇迦特的大漢人生的，攏死佇大衛的手及伊的人臣的手。